இந்த படத்தில் மா.கா.பா.ஆனந்த் கதாநாயகனாக நடிக்கிறார். கதாநாயகியாக ஸ்ருஷ்டி டாங்கே நடிக்கிறார். மற்றும் கருணாகரன், ஜெயபிரகாஷ், இளவரசு, பாவா லட்சுமணன், மீராகிருஷ்ணன்,லஷ்மி, மகாதேவன் ஆகியோர் நடிக்கிறார்கள். வித்தியாசமான வேடம் ஒன்றில், இதற்குத் தானே ஆசைபட்டாய் பாலகுமாரா, வல்லவனுக்கு புல்லும் ஆயுதம் போன்ற படங்களின் இசையமைப்பாளர் சித்தார்த் விபின் நடிக்கிறார்.

ஒளிப்பதிவு    –  ரமேஷா /  இசை    –    சித்தார்த் விபின்

பாடல்கள்   –   யுகபாரதி, மோகன்ராஜ்   /   கலை   –  சீனு

நடனம்   –  தினேஷ்  /   ஸ்டன்ட்   –  மகேஷ்

தயாரிப்பு நிர்வாகம்   –   லோகு – சங்கர் /   தயாரிப்பு மேற்பார்வை  –   ஆஸ்கார் நாகராஜ்

இணை தயாரிப்பு   –  கே.ஜெயச்சந்திரன் ராவ்

தயாரிப்பு    –  சுதர்சன வெம்புட்டி.

கதை, திரைக்கதை, வசனம் எழுதி இயக்குகிறார் காம்ரன்.

இவர் ராஜ்கபூர், பூபதிபாண்டியன், எஸ்.எஸ்.ஸ்டான்லி ஆகியோரிடம் இணை இயக்குனராகப் பணியாற்றியவர்.

படம் பற்றி இயக்குனர் காம்ரனிடம் கேட்டோம்….    நம்மை சுற்றிலும் நண்பர்கள் என்கிற பெயரில் சில நவரச திலகங்கள் இருப்பார்கள். அப்படிப்பட்ட ஒரு நண்பனின் வாழ்கையில் நடந்த சுவாரஸ்யமான சம்பவங்கள் தான் இந்த படத்தின் கதை!   இதை 90 சதவீதம் காமெடி கலந்து பேமிலி என்டர்டெயின்மென் படமாக உருவாக்கி வருகிறோம்.   பொள்ளாச்சியில் 60 சதவீதம் முதல் கட்ட படப்பிடிப்பு நடைபெற்று முடிவடைந்து விட்டது.    அடுத்த கட்ட படப்பிடிப்பு திருச்சி, கும்பகோணம் ஆகிய இடங்களில் ஒரே கட்டமாக நடைபெற்று முடிவடைகிறது என்றார் இயக்குனர் காம்ரன்.

ஒளிப்பதிவு   –  R.K.பிரதாப்

யுகபாரதி பாடல்களுக்கு ஸ்ரீகாந்த் தேவா இசையமைக்கிறார்.

கலை  –  T.சந்தானம்

எடிட்டிங்    –  சுரேஷ்அர்ஸ்

நடனம்   –  ராபர்ட், ரேகா, ராஜ்விமல்

ஸ்டன்ட்   –  ஸ்பீட்சையத்

தயாரிப்பு நிர்வாகம் –  ஜெயச்சந்திரன்

இணை இயக்கம் –  அருள்குமார், சுந்தர்

தயாரிப்பு   –  A.சங்கரபத்மா.

கதை, திரைக்கதை, வசனம், இயக்கம்  –  மோகன்கிருஷ்ணா

படம் பற்றி இயக்குனர் மோகன்கிருஷ்ணாவிடம் கேட்டோம்…   கணேஷ்வெங்கட்ராமன் இதில் டெரர் வேடத்தில் நடித்திருக்கிறார். இந்த வேடம் அவருக்கு புதிது. அதை சிறப்பாக செய்திருக்கிறார்.அச்சாரம் படத்திற்காக பாடல் காட்சி ஒன்றை படமாக்க கொடைக்கானல் தாண்டி ஒரு இடத்தை தேர்வு செய்தோம். ரோட்டில் இருந்து அந்த பகுதிக்கு செல்ல வாகனம் எதுவும் போகாது. கால் நடையாகத்தான் போகவேண்டும்.அதற்காக காலை ஆறு மணிக்கே நடக்க ஆரம்பித்தோம்..போய்ச்சேர பதினோரு மணியாகிவிட்டது. கேமரா வைத்தவுடன் வனத்துறையினர் வந்து தடுத்தார்கள் நாங்கள் அனுமதி வாங்கிய விவரத்தை காட்டினோம். நீங்கள் வாங்கி இருப்பது தமிழ்நாட்டில் இது கேராளா வனப்பகுதி நோ ஷூட்டிங் என்றார்கள். வேறு வழியின்றி மீண்டும் நடந்தே திரும்பி வந்தோம். மறுநாள் வேறு இடத்திற்கு போனோம்.. அங்கு வன விலங்குகள் பகுதி உயிருக்கு ஆபத்து என்று தடுத்தார்கள். வேறு வழியில்லாமல் திரும்பினோம்.

மூன்றாவது நாள்தான் பழமுத்தூர் என்ற இடத்தில் முன்னா –  பூனம்கவுர் பங்கேற்க

“ பேரழகே திருடிட பிறந்தவன் நீதான்

பேசும் இரு விழிகளை உடையவன் நீதான் “ என்ற பாடலை படமாக்கினோம்.

பாட்டெடுக்க நாங்க பட்ட பாடை சொல்லி மாளாது. ஆனால் பாடல் சிறப்பாக வந்ததால் கஷ்டமெல்லாம் போயே போச்சு என்றார் மோகன்கிருஷ்ணா.

மிக  நெருக்கமான  அன்போடு  அமைதியாக வாழ்ந்து  வரும்  தம்பதிகள் ஒரு சமயத்தில்  அந்த  நெருக்கமே  அவர்கள்  வாழ்க்கையில்  எப்படி விளையாடுகிறது  என்பதை ஒரு உண்மை  சம்பவத்தின் பாதிப்பில்  படமாகி இருக்கும் படம்தான்  நெருக்கம் ..

கதா நாயகனாக அஸ்வினி கார்த்திக் , கதாநாயகிகளாக வித்ர்ஷா , சனா .நடிக்க I சசி  இயக்கியிருக்கிறார் . படத்தின் கடைசி  காட்சி வரை ஒரு  திரில் இருப்பதுடன்

காதலுடன் கூடிய  நகைச்சுவையும்  இருக்கிறது , பொழுது  போக்கு நிறைந்த படமாகவும் வந்திருக்கிறது ..

குற்றங்கள்  எங்கே வேண்டுமானாலும்  எப்போது வேண்டுமானாலும்  நடக்கலாம்  அதை  எதிர்கொள்ளும்  பக்குவம் எல்லோருக்கும் வேண்டும் என்பதை உணர்த்தும் படமாகவும்  இருக்கும் .

முழுக்க  முழுக்க சஸ்பென்ஸ் திரில்லராக உருவாகி இருக்கும்படம் தமிழக  கேரள  எல்லைப்பகுதியில் படப்பிடிப்பு முடிந்து விரைவில்  படம் வெளிவர இருக்கிறது .

]]> http://tamil.a2zmedia.in/cinema/?feed=rss2&p=1842 0 http://tamil.a2zmedia.in/cinema/?p=1605 http://tamil.a2zmedia.in/cinema/?p=1605#comments Thu, 02 Apr 2015 07:49:39 +0000 http://tamil.a2zmedia.in/cinema/?p=1605        இந்தியாவில் முதல் முயற்சி 11 மணி நேரத்தில் எடுத்த ஒரு படம்

                          ‘தப்பா யோசிக்காதீங்க’

ஒரு திரைப்படம் 11 மணி நேரத்தில் எடுக்கப்பட்டுள்ளது.

இன்று காலை 7 மணி முதல் மாலை 6 மணி வரைசென்னையில் ஒரு வீட்டில் படப்பிடிப்பு முடித்து  ‘தப்பா யோசிக்காதீங்க’
என்கிற ஒரு முழுப்படத்தையே 11 மணி நேரத்தில் முடித்து இருக்கிறார்கள்.

நிரஞ்சனா புரொடக்ஷன்ஸ் சார்பில் ஜி.அனில்குமார் தயாரிப்பில் அறிமுக இயக்குநர் சுல்தான்ஸ் இயக்கியிருக்கிறார். ஒளிப்பதிவு -எஸ்.ஆர். வெற்றி ,  இசை- ஸ்டீபன் சதீஷ். கலை சுரா

‘தென்றல்’ தொடரில் நடிக்கும் ராஜாதான் நாயகன். ஜோதிஷா, சனிலா நாயகிகள். சிசர் மனோகர், பேபி மோனிகா மற்றும்  40 நடிகர்களும் நடித்துள்ளனர்.

இயக்குநர் சுல்தான்ஸ் ஒரு திரைப்படக் கல்லூரி மாணவர். ஏவிஎம்மின் 13 தொலைக்காட்சித் தொடர்களில் பணி புரிந்திருக்கிறார்.

தனக்கென ஒரு படக்குழுவை அமைத்து இன்று காலை7மணி முதல் மாலை 6 மணி வரை பம்பரமாகச் சுழன்று வேலை வாங்கியிருக்கிறார். கெடுபிடியை உணர்ந்து அனைத்து நடிகர்களும் ஒத்துழைத்துள்ளார்கள்.

‘தப்பா யோசிக்காதீங்க’ படக்கதை பற்றி இயக்குநர் சுல்தான்ஸிடம் கேட்டபோது ”ஒருமனிதன் தற்காலிக பணியிடை நீக்கத்தில் இருந்தால் அந்தக் குடும்பத்தால் அவனுக்கு ஏற்படும் அவலங்கள் என்ன? பொருளாதார ரீதியாக தனிமைப் படுத்தப்படும் போது  சந்திக்கும் இன்னல்களை அவன் எவ்வாறு எதிர்கொள்கிறான்  சமாளிக்க எதைக் கையாள்கிறான்  என்பதை படம் விளக்கும்.
இன்றைய சூழ்நிலையில் கணவன் மனைவி உறவு உயர்வானது. அது சிறப்பாக நின்று நிலைக்க விட்டுக் கொடுத்தல் எவ்வளவு அவசியம் என்பதையும் கூறியிருக்கிறோம்.”என்றார்.

படப்பிடிப்பு அனுபவம் பற்றி சுல்தான்ஸ் கூறும்போது “இந்த ஒரு நாள் படப்பிடிப்புக்காக சரியாக யோசித்து முன்தயாரிப்புக்கு சரியாகத் திட்டமிட்டோம். ஒத்திகைகள் பல முறை பார்க்கப்பட்டன.

இதில் நடித்த நடிகர் நடிகைகள் வெவ்வேறு படங்களில் தொடர்களில் நடித்துக் கொண்டிருப்பவர்கள். ஒரு நாள் ஒருவர் வந்தால் மறுநாள் இன்னொருவர் வரமாட்டார். அவரவர்க்கு வேலைகள் அப்படி. ஆனாலும் படப்பிடிப்பு நாளில் இன்று எல்லாரும்  சரியாக வந்து நடித்து ஒத்துழைத்ததால் வெற்றிகரமாக முடித்து விட்டோம். பொதுவாக இப்படி விரைவாக எடுக்கும் படங்களில் டாக்கி போர்ஷன்தான் எடுக்கப் படும். இதில் 2பாடல்  காட்சிகளையும் எடுத்திருக்கிறோம். “என்றார்.

தயாரிப்பாளர் அனில் குமார் கூறுகையில் ” இயக்குநரின் திறமையையும் திட்டமிடலையும் நம்பி னேன். செய்து காட்டி விட்டார்.” என்றார்.

படப்பிடிப்பு முடிந்ததும். படக்குழுவினர் கை தட்டி ஆரவாரம் செய்தனர். தயாரிப்பாளருக்கு பேச்சே வரவில்லை. ஆனந்தக் கண்ணீர் வந்து விட்டது.

நாயகன் ராஜா கூறும் போது ” சினிமா ஒரு கூட்டு முயற்சி என்பதற்கு இந்த படம் ஒரு உதாரணம். பலரிடம் படக்குழு கெடுபிடியாக நடந்து கொண்டதற்கு மன்னிப்பு கேட்டுக் கொள்கிறோம். ” என்றார்.

சினிமாவில் அவரவர் வேலையைப் பாருங்கள் அடுத்தவர் வேலையைப் பார்க்காதீர்கள்:ராதாரவி

சினிமாவில் அவரவர் வேலையைப் பாருங்கள் : அடுத்தவர் வேலையைப் பார்க்காதீர்கள் என்று ஒருபடவிழாவில் ராதாரவி பேசினார்.இது பற்றிய விவரம் வருமாறு:

மக்கள் பாசறை தயாரித்த ஆர்கேவின்  ‘ என்வழி தனி வழி’ படத்தின் 25வது நாள் விழா சென்னை கமலா திரையரங்கில் நடைபெற்றது.இந்த விழாவில் திரையுலகினர் பலரும் கலந்து கொண்டனர்.

விழாவில் நடிகர் ராதாரவி பேசும்போது
” இந்த ஆர்கேவை நான் பல ஆண்டுகளாகப் பார்த்து வருகிறேன். அவரது வளர்ச்சி பிரமிக்க வைக்கிறது. இவர் ஒரு நல்ல தொழிலாளி நல்ல நிர்வாகியும் கூட.

இந்த விழாவில் ஒரு இயக்குநர் கூறினார்  உங்களது இந்த தலைமுடி கெட்அப்-  ஹேர் ஸ்டைல் நல்லா இருக்கு என்  அடுத்த படத்தில் பயன்படுத்திக்கறேன்னார். மயிருக்கு உள்ள மரியாதை மனுஷனுக்கு இல்லை.

நான் சினிமாவைத்  தவிர வேறு எதுவும் தெரியாதவன். எனக்கு நடிப்பது தவிர தெரியாது. கேமரா முன்னால் மட்டும்தான் நடிக்கத் தெரிந்தவன்.

ஆர்கே தேர்ந்தெடுக்கிற கதைகளைப் பார்த்து எங்கே இப்படிப்பட்டகதையைப்  பிடிக்கிறார் என்று ஆச்சரியப் படுவேன்.

‘ என்வழி தனி வழி’ படத்தில் அவர் முதல் போட்ட தயாரிப்பாளராக இருந்தாலும் டைரக்டர் சொன்னபடிதான் கேட்டார்.அவரிடம் ஆர்கே எவ்வளவு திட்டு வாங்கினார் தெரியுமா? ஒரு உதவியாளர் போல வேலை பார்த்தார். சினிமாவில் அவனவன் வேலையை அவனவன் செய்யவேண்டும். அடுத்தவன் வேலையைச் செய்யக் கூடாது. அதுபோல டைரக்டர் வேலையை அவர் செய்கிறார் என்று பொறுமையாக இருந்தார்ஆர்கே. அவரிடம் தான் முதலாளி என்கிற திமிர் இல்லை.எதிலும் தலையிடவில்லை. சினிமாமீது அவருக்கு அவ்வளவு காதல். அது அவரை இன்னும் உயர்த்தும். ” இவ்வாறு ராதாரவி பேசினார்.

இவ்விழாவில் நாயகன் ஆர்கே  , இயக்குநர் ஷாஜி கைலாஷ், கதை வசனகர்த்தா பிரபாகர், கலை இயக்குநர்கள் போபன்,அங்கமுத்து சண்முகம், இசையமைப்பாளர் ஸ்ரீகாந்த் தேவா, நடிகர்கள் மதன்பாப், தலைவாசல்விஜய், ‘வழக்கு எண்’ முத்துராமன், ரமேஷ் கண்ணா,  தயாரிப்பாளர்  ஞானவேல், இயக்குநர்கள் சுசீநதிரன், திரு, செந்தில்நாதன்,பாடலாசிரியர் இளைய கம்பன், பேச்சாளர் விழுப்புரம் செல்வராஜ், நடிகைகள் நீது சந்திரா, கோமல் சர்மா, ஸ்ரீரஞ்சனி ஆகியோரும் கலந்து கொண்டு பேசினர்.